繼06年近距離遇上銀腳帶，嚇親，今晚又遇上金腳帶，但今次影埋相，很開心！
話說，屋企人晚上外出，沒有帶電筒，致電回來話給蛇攔路，尋求支援，於是急急取出相機和電筒到路口，好彩條金腳帶仲未走，立即遠距離影相，其實都幾黑，因為遠，電筒唔係太夠光，亂對焦用閃燈影，咁都影到。其實佢仲驚，走都走唔切。
金腳帶又稱金環蛇，Banded Krait (Bungarus fasciatus)，屬於大型蛇，長逾1米，最長可逹1.8米。目擊這條則最少有4呎長。牠們屬於夜行性，棲息於植被茂密和水源充足的小丘和低谷地帶；捕食其他蛇類、蜥蝪及小型脊椎動物。有劇毒，有豎立前毒牙。日間較羞怯溫馴，夜裡警覺性極高。劇毒足以致命，香港曾有數宗被咬的死亡個案。
資料來源：《追蹤蛇影．香港陸棲毒蛇圖鑑》
以前因工作關係，曾到內地的蛇主題公園，看過一些無聊表演，要工作人員瞓在地上鋪滿蛇... 還有全蛇宴，味味菜都有蛇，甚至包括蛇眼和蛇舌... 好彩有同事幫我頂... 又在香港見過一些受傷或被偷運入境的蛇，給送往動物治理中心。今次是第一次影到野生蛇。
