香港新浪網 MySinaBlog
« 上一篇 | 下一篇 »
Carol | 17th Aug 2010 | 到處遊樂 | (208 Reads)

2010/8/15 又去西貢浮潛。士多老闆娘問我們朝九晚五像返工,攰唔攰,我話玩又點同返工呢!不過翌日瞓醒後就真係幾攰。emotion

原本打算乘艇仔去遠些的珊瑚區,但船家竟叫價$80(去東平洲都只係$90!),還極價都只肯減到$60,最後一行8人都係自行四周浮,但收穫也很不錯,而且還遇到海洋生態導師,請教了一些情報呢!不過,就遇不到約了在遠的珊瑚區見的朋友了,他們遲了點到,扒獨木舟去。最後玩完返回士多沖涼才見到。

可惜,水底相機自從之前跌過之後,影水底影相就爆光,只好影短片。 

今次看見不少水母,而且冇咁驚牠們,保持些少距離,拍了牠們的泳姿,這裡共有4隻。最後見的一隻是白色的,有點像海洋公園水母館那些,樣子很可愛。 

同行又有一些浮開的朋友,介紹了去另一邊浮,看見很多海星,海膽和海參!原來海星在水中是行得很快的!

當然,還有我們的老朋友4條小丑魚,還看見兩款大魚!

仲有珊瑚魚和其他魚,更看見識模擬砂泥顏色的石頭魚在吃魚。

今次也看見很多魚群,很有生命力!

不過這天天陰的時間較多,還下了數場大雨,水有點凍。眨眼間已立秋,可浮潛的日子已不多了,希望下次浮時,陽光仍夠猛。


[2]

過了立秋水底的生物反而更多,今次收穫更豐!

在水中離遠見到水母當然開心,但有沒有擔心過自己身旁身後都會有?水底如此多石,一但中招無法立足的啊。

如果見到海星食海膽就更好。

平帆
[引用] | 作者 平帆 | 18th Aug 2010 | [舉報垃圾留言]


我朋友話10月都仲見到海星BB啊! 0的魚真係比之前仲多. 我0地都有保持距離睇水母, 同埋著晒長衫褲, 都有著鞋或蛙鞋, 都可以減少受傷機會, 會小心的, 謝謝提醒. 都有見海星走去海膽度, 但唔知之後有冇食佢咯. 我都係想睇海馬多0的. 之前浮時有出現過, 可惜當時我和朋友浮了去另一邊, 睇唔到...

[引用版主回覆] | 作者 Carol | 20th Aug 2010

[1]

一看見水母我就怕, 給水母炸過的經歷畢生難忘, 不過妳拍攝的水母不是泳灘遇到那種, 可能不傷人吧, 形態很美.

ep
[引用] | 作者 ep | 18th Aug 2010 | [舉報垃圾留言]

之前在東平洲浮, 我朋友都給水母炸過, 都要入醫院搞一大餐, 但都痛0左好耐同之後好耐0的疤至退. 咁水母都係會傷人的, 只是品種不同可能冇咁傷0者. 我0地都保持距離, 同埋水唔係郁得太犀利, 否則一個浪佢就隨時衝埋0黎. 最鍾意白色那隻, 很可愛.

[引用版主回覆] | 作者 Carol | 20th Aug 2010