香港新浪網 MySinaBlog
« 上一篇 | 下一篇 »
Carol | 29th Aug 2010 | 狗狗日誌 | (1177 Reads)

我家的狗狗打風落雨都要去街才解決, 所以在連場大雨的去年夏天, 忍不住要為牠們添置雨衣, 但只買到一件合身的俾阿水, 細妹則用放置多時的膠雨衣改裝. 後來, 發現阿水那件其實不能防水, 細妹那件也給扯破了. 隨著雨季過去, 也又不了了之.

今年又要對面相同的問題, 醒起之前修理雨傘,  有一些雨傘的防水布面多出, 就用來實驗做件雨衣給阿水和細妹, 經過實戰和改良, 都叫做成功, 手功差少少, 賣相差少少, 但勝在功能上不太差, 真的防到水, 不需濕晒身, 要吹乾, 不過頭部就始終較難完全擋雨, 就算買回來剪栽很好的那件, 頂帽都係中看不中用, 因狗狗的眼睛總會給遮擋, 終要褪後, 以致遮不到.

PicturePicture 

狗狗雨衣DIY步驟簡單:

  1. 選取適合的雨傘防水布。發現雨傘的布料也有不同的防水程度, 有些會滲濕底層的, 便不適合。我選取內層沒有防UV塗層的布。

    Picture

  2. 讓一塊布變一件雨衣, 就要靠魔術貼和針線。最好當然是配合布面顏色的線。魔術貼有兩種, 一種在文具店賣的, 有自動粘貼的膠水, 方面試位和固定, 但縫針時會帶動膠水跟著針出來, 令針很粘, 不過也可捽走。至於和布料有關那些店舖賣的魔術貼, 則沒有膠水, 縫合沒有粘著的煩惱, 不過固定位置可能要靠做記號。Picture
  3. 首先要選取一邊做頭頂的位置, 我用一條沒有勾的魔術貼來令帽子的邊挺直一些, 不易垂下遮蓋眼睛。我會保留那條平日用來繫緊摺好後的雨傘的小布條連開關魔術貼, 用來扣上狗狗頸圈, 多一重防止脫落的保障, 同時, 此設計是頸圈繫在雨衣外的, 以加強固定"帽子"的部分。Picture
  4. 頸和胸口位置兩邊加上魔術貼, 一定要好像裇衫扣扭那種左右覆蓋的方法, 之前試過只是左右兩邊相貼, 結果很易就扯開。在肚的位置再加一對魔術貼。Picture
  5. 由於細妹較短小, 布面長了些, 於是在頂部再加魔術貼縮短布面。至於傘頂那小洞, 摺埋縫一道線就可以。Picture
  6. 完成! 細妹變了紅梅婆婆!Picture
  7. 阿水則像福爾摩斯。Picture

[2]

穿上雨衣的細妹表情好像說:「我不喜歡」!

阿水加番個煙斗就更像福爾摩斯。

雨傘防水布密不透風,夏天三百六十度包圍我怕會熱親牠們。

可不可以改裝大碼透明膠喇叭咀當擋雨帽?

平帆
[引用] | 作者 平帆 | 30th Aug 2010 | [舉報垃圾留言]


哈哈, 你真明白細妹的心意。細妹好唔鍾意加0野在佢身上, 乜都唔鍾意, 最好連頸圈都唔使戴, 所以著咗雨褸就會僵硬, 仲會想整甩佢, 真係非不得以都唔會同佢著。阿水就唔介意, 好welcome 著雨褸, 著完讚下佢靚就得。咁通常落雨就會涼好多, 同埋肚下面都疏風0既, 冇計啦! 落雨係麻煩0的0架啦! 那些透明膠喇叭咀好貴0架, 真係留番有病防佢0地整自己傷口至用。

[引用版主回覆] | 作者 Carol | 30th Aug 2010

[1]

其實你可以考慮用一頂用舊了的太陽帽, 用雨傘的布包好擋太陽的部分 (唔包都可以,但就無咁防水啦), 再將頂帽按隻狗狗的頭形剪好, 縫在狗雨衣的前面, 就可以做到頭都遮到, 另外, 也可以在雨衣的適當位置剪四個孔, 讓腳伸進去, 咁牠們行路時就會自在D啦!


[引用] | 作者 Pauline | 30th Aug 2010 | [舉報垃圾留言]


Pauline, 果然係DIY高手, 真係可以試下用舊CAP帽加魔術貼, 貼上雨衣頭位內. 至於手腳位, 腳就一定唔會左住, 手就有0的唔夠舒服, 但若要剪塊布, 就要摺骨, 冇衣車要搞好耐, 阿水細妹將就下吧!

[引用版主回覆] | 作者 Carol | 30th Aug 2010